آذربایجان خالق جیبهه‌سی‌نین صدری:

«يالنيز ميللي حؤکومت گونئي و کرکوکا آرخا اولا بيلر»

آذربايجانداکي «دئموکراتيک دوشرگه» آدلانديريلان عنعنه‌وي موخاليفت پارتي‌يالاري، ميللي آزادليق حرکاتي‌نين دالغاسيندا مئيدانا گليبلر. و موعين دؤور ميلتچي‌ليک ايدئيالاري‌نين اساس داشيييجي‌لاري اولوبلار. آما سون دؤورلر ندنسه، ميلليتچي‌ليک، تورکچولوک ايدئيالاري پارتييالارين فعاليتينده اولکي کيمي پريوريتئت تشکيل ائتمير.

حاضيردا چالیشقان اولان گونئي آذربايجانداکي حرکاتا، کرکوک‌ده باش وئرنلره آذربايجاندا مطبوعاتين، آيري-آيري شخصلرين، ايجتيماعي تشکيلاتلارين اعتراضی، سياسي پارتييالارين اعتراضیندان داها قاباريق گؤرونور. بونون ندنلرينه آذربايجان خالق جبهه‌سي پارتيياسي‌نين صدري علي کريملي تورک خبره وئرن مصاحیبه ده اونو آیدین‌لاشدیرمیشدی. عئيني زاماندا آذربایجان خالق جیبهه‌سی‌نین  صدري اؤلکه‌نين ايجتيماعي-سياسي حياتي ايله باغلي سواللاريميزي دا جاوابلانديريب. آما اؤنجه يوخاريدا قئيد ائتديگيميز مسله دن باشلاياق:

• بيليرسينيز، بو گؤرونتودور. من بو گؤرونتونون سببيني ايضاح ائتمک ايسته ييرم. اصلينده، بيز نه گونئي آذربايجانداکي باجي-قارداشلاريميزين طالعيينه بيگانه دئييليک، نه ده کرکوکون طالعيينه. بو گون گونئي آذربايجاندا و کرکوکده باش وئرنلره بوراداکي موناسيبت بير داها گؤسترير کي، آذربايجان رئسپوبليکاسيندا نه قدر کي، گئرچکدن ميللي حؤکومت اولماياجاق، بوندان آرتيق رئاکسيياني دا گؤزله‌مک مومکون دئييل. يعني، يالنيز قزئتلرين، آيري-آيري ژورناليستلرين، ضيالي‌لارين، ايجتيماعی تشکيلاتلارين گونئي و يا کرکوک مسله‌سيني گوندمده ساخلاماسي جيدي بير دييشيکليک ياراتمير. آچيق دانيشاق، بو گون بيزيم، سيزين مؤوقئعيينيز کرکوکه اهميتلي بير کؤمک ائده بيليرمي؟ بو گون منيم اورگيم کرکوکده تضييقلره، باسقيلارا معروض قالان تورکمنلرله برابردير. من چوخ آجيلار چکيرم کي، بو گون تاريخن تورک تورپاقلاري اولموش اراضي‌لر بوشالديلير. آما کيم بونون قارشيسيني آلا بيلر؟ آنجاق تورکييه جومهوريتينده و آذربايجان رئسپوبليکاسيندا ميللي بير حؤکومتين اولماسي بو پروسئسي دوردورا بيلر. بو پروسئسلرين قارشيسي دؤولت سويييه‌سينده آلينمالييدي. بلکه، هله‌ده گئج دئييل. بير شرطله کي، اؤلکه ده گئرچکدن خالقين سئچديگي، تورک ميلتينه خيدمت ائتمگي اؤزونه شرف بيلن، بو ميلتين آجي‌سيندان کدرله‌نيب، سئوينجي ايله سئوينن بير قوووه اولسون حاکيميت باشيندا. او زامان کرکوک ده ياددان چيخماسين، گونئي آذربايجان مسله‌سي ده ايکينجي پلانا کئچمه‌سين. و بیرلشمیش میللت‌لر تشکیلاتی-ده بيزيم اوچون اوتانجوئرن بير اولاي دا باش وئرمه‌سين. آذربايجان رئسپوبليکاسي‌نين بمت-دکي رسمي تمثيلچيسي ايراندا اينسان حاقلاري‌نين پوزولماديغيني ايديعا ائديب، ايران اوزرينده مونيتورينقين دايانديريلماسينا سس وئره‌جک قدر آييب بير ايش توتماسين. بوتون بونلار نه زامان مومکون اولاجاق؟ اؤلکه ده گئرچک ميللي حؤکومت قورولاندان سونرا. اونا گؤره ده بيز پريوريتئت اولاراق، اؤنجه آذربايجان رئسپوبليکاسيني آنتي-دئموکراتيک رئژيمدن خيلاص ائديب، بورادا ميللي حؤکومت قوردوقدان سونرا اؤلکه‌دن کناردا ياشايان سويداشلاريميزين حاقلارينا صاحیب چيخماغي گؤروروک. آما بو قطعييين بئله آنلاما گلممه ليدير کي، بيز گونئي آذربايجاندا گئدن ميللي آزادليق حرکاتينا، ياخود شيمالي ايراقدا تورکمن‌لرين حاضيردا معروض قالديقلاري گئنوسيده بيگانگيک. کيم بئله دوشونورسه، من اونلارا سسله‌نيرم کي، بو يانليش دوشونجه‌ دير. بيز اؤزوموزدن آسيلي اولان هر شئيي ائتمه‌يه حاضيريق کي، قديم تورک تورپاقلاريندا سويداشلاريميز حاقسيزليغا معروض قالماسينلار. نه يازيق کي، آذربايجان موخاليفتي اولاراق بو گون بيزدن چوخ شئي آسيلي دئييل.  

ـ علي بي، آذربايجان موخاليفتي ايقتيدارا تاثير واسيطه سي کيمي يئرلي منبع لرله ياناشي، هر زامان بين الخالق قوروملارين، ايري دؤولتلرين، خوصوصيله آمئریکا-ين تزييقلري نين تشکيلينه چاليشيب. ائله بين الخالق تشکيلاتلار و يا آمئریکا-دا بو ياخينلارا قدر آذربايجاندا دئموکراتييا مسلسينه اؤنم وئريرديلر. سون زامانلارسا موشاهيده اولونان اودور کي، خوصوصيله آمئریکا آذربايجانلا امکداشليقدا ائلان ائتديگي اوچ پرينسيپ – تهلوکه‌سيزليک، ائنئرژي و دئموکراتييا ساحه‌سينده داها چوخ تهلوکه سيزليک مسلسينه اؤنم وئرير، دئموکراتيياني ايسه آرخا پلانا کئچيرير. بلکه ده بو، بؤلگه ده کي  وضعيتله باغليدير. قرب ديپلوماتلاري ايله تماسلارينيزدا دا بو حيسس اولونورمو؟    

§         اونلار بيزيمله گؤروشلرينده بيان ائديرلر کي، بو اوچ پرينسيپين هامي‌سينا عئيني درجه ده اهميت وئريرلر. بونو آمئریکا دؤولت کاتيبي‌نين آذربايجاندا صفرده اولان موعاویني ده، آمئریکا-اين آتت-دکي دايمي نوماينده‌سي‌ده، آمئریکا سفيري‌ده بيزيمله گؤروشده بونو بيان ائديب. بيز البتته، حساب ائديريک کي، نه آمئریکا-اين، نه آوروپا تشکيلاتلاري‌نين، نه ديگر ستروکتورلارين آذربايجاندا دئموکراتييايا وئرديگي دستک يئترلي دئييل. يعني، اؤلکه‌ده کي  سيتواسييايا آدئکوات دئييل. بيز ده اونون فرقيندگيک کي، واختيله اوکراينايا، گورجوستانا داها بؤيوک ديقت واردي. ايندي ده بئلاروسا ... آما اونو دا نظره آلماليييق کي، بو وطن بيزيم‌دير. و بيزدن باشقا کيمسه نين عؤهدهليگي يوخدور کي، بو وطني دئموکراتيکلشديرسين، آبادلاشديرسين، اينکيشاف ائتديرسين. بو بيزيم عؤهده‌ليگيميزدير. کناردان هانسي‌سا حدده دئموکراتيک پروسئسه دستک اولارسا، چوخ ياخشي. آما دستک اولماياجاقسا بئله، بيز ميلتيميزله دانيشماليييق، کونسئنسوس تاپماليييق و دئموکراتيکلشمه ليگيک.

قایناق: تورمروس سیته سی

تورکمن ليدئري قلب جراحی‌سی گئچيردي

تورکمن ليدئري دکتر سعد‌الدین ائرگئچ'ين، قلب جراحی‌سی گئچيرديغي بيلديريلدي. ايراق تورکمن جبهه‌سی‌ندن ياپيلان آچيقلاما گؤره، تورکمن ليدئري، ايراق تورکمن جیبهه‌سی گئنل باشقاني و کرکوک ميللت‌وکيلي دکتر سعدالدين ائرگچ، آنکارا'دا بولوندوغو سيرادا، بير ساغليق کونترولوندن گئچمه‌سي‌نين آرديندان گؤرولن لوزوم اوزه‌رينه باشاريلي بير بي-پاسس عملیاتی گئچيردي.

دکتر سعد‌الدین ائرگئچ'ين ساغليق دورومونون یاخشی اولدوغو بليرديله‌ره‌ک، قيسا بير سوره آنکارا'دا دينله‌نه‌جه‌یي قید ائديلدي.

بوزوک مئديا

قایناق:

TÜRKMEN LİDERİ KALP AMELİYATI GEÇİRDİ

Türkmen lideri Dr. Sadettin Ergeç'in, kalp ameliyatı geçirdiği bildirildi. Irak Türkmen Cephesi'nden yapılan açıklama göre, Türkmen lideri, Irak Türkmen Cephesi Genel Başkanı ve Kerkük...

Milletvekili Dr. Sadettin Ergeç, Ankara'da bulunduğu sırada, bir sağlık kontrolünden geçmesinin ardından görülen lüzum üzerine başarılı bir by-pass ameliyatı geçirdi.

Dr. Sadettin Ergeç'in sağlık durumunun iyi olduğu belirtilerek, kısa bir süre Ankara'da dinleneceği kaydedildi.

BOZOK MEDYA

Kaynaq: آراز درگیسی سیته سی